محمد عمارة يهاجم ربيعة بسبب طلباته للتجديد

هاجم محمد عمارة نجم الأهلي السابق رامي ربيعة لاعب الأحمر بسبب طلباته للتجديد مع النادي.

وقال محمد عمارة عبر قناة “إم بي سي مصر”:” حوار رامي ربيعة مع محمد يوسف المدير الرياضي للمارد الأحمر، كان الآتي أنا وكيلي أخويا زي ما والد زيزو هو وكيل اللاعب”.

وأضاف:” رامي ربيعة قال كمان أنا مش محتاج أخد نفس الرقم المالي اللي بياخده زيزو، ولكن هاخد نفس المبلغ اللي بيتقاضاه الشناوي”.

وأكمل عمارة:” رامي ربيعة أبلغهم أنه رحيم ورؤوف على النادي الأهلي، ولكن طلب بوضوح رقم الشناوي”.

وأردف:” مش عارف النادي الأهلي ساكت ليه، إن كل واحد يبقى وكيله أخوه وأبوه وعمه، واللي أعرفه أن الوكيل ده واخد رخصة من اتحاد الكرة”.

وواصل:” اللعيبة دي مفروض تحمد ربنا إن النادي الأهلي بيكلمهم ويتفاوض ويجدد معاهم، ويبوسوا إيديهم وش وضهر”.