شوبير ينتقد الزمالك بسبب مباراة بيراميدز

وجه الإعلامي أحمد شوبير انتقاداً للزمالك بسبب أداء الفريق أمام بيراميدز في المباراة التي أقيمت ضمن الجولة السادسة من مرحلة الحسم بالدوري الممتاز وانتهت بفوز بيراميدز بهدف دون رد.

وقال شوبير عبر قناة “الأهلي”:” الزمالك امبارح خرج من الماتش بإرادته امام بيراميدز، ومش هكمل افهم بين السطور، الزمالك امبارح مشاطش شوطة على بيراميدز والكرة الوحيدة اللي وصلت لمرمى الزمالك اتسجلت هدف”.

وأضاف:” أنا مش بتهم حد بحاجة، لكن مكنش في روح وغيرة على التيشرت أو اهتمام، وكان شعور عام على كل الزملكاوية، والمدرجات فاضية والسوشال ميديا بتتكلم ووصلت للنتيجة دي”.

وتابع:” بدل ما كنت تحسب حساباتك لو كنت كسبت الماتش دا كان هيبقى عندك فرصة للمنافسة على مقعد دوري أبطال أفريقيا”.

وأتم شوبير:” عشان مترجعش بقى بعد سنين وتتكلم على نادي القرن، انت مش بتشارك في البطولة اللي بتخلي عندك تصنيف، حتى المركز التاني اللي كنت بتاخده، بقيت بتفرط فيه”.